Ditën e sotme institucionet arsimore në Korçë hapën dyer për rreth 9000 nxënës, ku vetëm 5500 prej tyre kanë vendosur për t’u rikthyer në bankat e shkollës për ripërsëritje të lëndëve.
Ndonëse vaksinimi për mësuesit është i detyruar, mësohet se jo i gjithë stafi kanë rënë dakord, pasi ende janë mbi 200 mësues që nuk kanë marrë dozën e parë.
Edhe në qytetet e tjera të këtij qarku vihet re se ende ka mësues të pa vaksinuar. Mbi 100 mësues në Maliq, 56 në Pogradec, e afro 40 në Devoll ende nuk janë paraqitur pranë qendrave të vaksinimit.
Lajmin për vaksinimin me detyrim të stafit pedagogjik e bëri të ditur zv/ministrja Mira Rakacolli disa ditë më parë, pasi sipas saj kanë përgjegjësi dhe për jetën e të tjerëve.
