Uniformat blu në Tiranë kanë vënë në pranga plot 8 persona, të cilët akuzohen për vepra të ndryshme penale. Fillimisht është bërë i mundur arrestimi i E. P., 25 vjeç, pasi gjatë kontrollit të ushtruar në servisin në pronësi të tij, iu gjet dhe iu sekuestrua një sasi me lëndë narkotike kanabis.
Po nga specialistët për Hetimin e Krimit kanë bërë të mundur arrestimin e A. B., 25 vjeç, pasi ka ushtruar dhunë fizike dhe psikologjike ndaj ish të dashurës së tij.
Sakaq prangave të policisë nuk i ka shpëtuar as G. H., 40 vjeç, B. K., 44 vjeç, E. Ç., 36 vjeç dhe A. D., 54 vjeç, pasi u kapën duke drejtuar mjetet përkatëse në gjendje të dehur.
Policia ndër të tjera jep detaje se rreth orës 01:45, është dërguar për ndihmë mjekësore F. K., 20 vjeç, pasi dyshohet se është goditur me sende të forta nga një person ende i paidentifikuar. Punohet për identifikimin dhe kapjen e autorit. Po ashtu në datë 02.09.2021, rreth orës 08:05, në rrugën “Gjergj Legisi”, dyshohet se në gjendje depresive është vetëvarur në banesë B. Z., 50 vjeç. Grupi hetimor po punon për sqarimin e rrethanave të ngjarjes.
