Kryeministri Edi Rama njoftoi nga Asambleja e PS ditën e sotme, se Taulant Balla nuk do të jetë më drejtues politik për qarkun e Elbasanit, duke e spostuar në Fier.
Në vend të Ballës, në Elbasan u emërua drejtues politik ish-ministri Damian Gjiknuri. Pas këtij lajmi ka reaguar nga deputetja e zgjedhur nga lista e demokrateve në Elbasan, Flutura Açka duke shkruar se “kjo nuk do të thotë se ikën edhe gjurmët e zullumeve, që tani janë plagë të tij”.
“Që iku z. Balla nga Elbasani, nuk do të thotë se ikën edhe gjurmët e zullumeve, që tani janë plagë të tij. Do të vijë dita kur Elbasani t’i kthehet qytetarëve të tij… e të marrë hijen e tij të fisnikërisë së përjetshme,”-shkruan ajo.
