Në një postim në llogarinë e tij në Instagram, Alex Soros, djali i George Soros, ka publikuar mbrëmjen e sotme një foto me kryeministrin Edi Rama dhe me Kryetarin e Bashkisë së Tiranës, Erion Veliaj.
Të shoqëruar me fotot, ai gjithashtu ka shkruajtur edhe për ta duke folur me superlativa për rolin e tyre në përmirësimin e Shqipërisë dhe Tiranës.
“Me mikun tim Edi Rama fundjavën e shkuar në Tiranë, i cili vijon që të tregojë aftësi frymëzuese lidershipi në vend, rreth rajonit dhe në të gjithë botën.”
“Ishte e mrekullueshme të takoja mikun tim Erion Veliaj, kryebashkiakun e shkëlqyer të Tiranës, ndërsa isha në Shqipëri. Urime sërish që Tirana u shpall Kryeqyteti Europian i të Rinjve për 2022-shin.”
