Vllaznia ka shënuar plot 9 gola në miqësoren ndaj skuadrës së Besës, sfidë e cila u zhvillua në stadiumin “Loro Boriçi”.
Skuadra e Brdariç ishte agresive që në minutat e para të ndeshjes. Për shkodranët shkëlqeu Aralica që shënoi plot 4 gola ndërsa në tabelën e golashënuesve regjistruan emrin dhe Latifi, Kalaja, Kaina e Mustedanagiç.
Trajneri Brdariç duhet të jetë shumë i lumtur nga performanca spektakolare e skuadrës së tij që vjen një javë para se të startojë sezoni i ri futbollistik në Shqipëri. Vllaznia konsiderohet si një prej skuadrave favoritë për të luftuar për titullin kampion.
