Dy persona kanë rënë në prangat e policisë së Përmetit për “Kultivim të bimëve narkotike” dhe “Dhunë në familje”.
Sipas njoftimit, në pranga ka rënë Maringlen Shabani, 38 vjeç, banues në Përmet, pasi dyshohet se në fshatin Senican, Këlcyrë, ka tentuar të kultivojë bimë narkotike, si dhe gjatë kontrollit të ushtruar në banesën e tij u gjet dhe u sekuestrua në cilësinë e provës materiale një sasi lënde narkotike.
Gjithashtu, është arrestuar dhe Spartak Simoni, 43 vjeç, banues në Përmet, pasi ka ushtruar dhunë psikologjike ndaj babait të tij, J. S., 87 vjeç, banues po në Përmet.
Materialet i kaluan Prokurorisë Pranë Gjykatës së Shkallës së Parë Përmet për veprime të mëtejshme.
