Presidenti i Shqiërisë, Ilir Meta ka reaguar në lidhje me Ditën e Shenjtërimit të Nënë Terezës. Përmes një postimi në rrjetin social Facebook, Meta shkruan se shembulli i Nënë Terezës vjen si një mesazh frymëzues.
“Në Ditën e Shenjtërimit të Nënë Terezës, krenarisë tonë kombëtare, shembulli i saj i jashtëzakonshëm i dashurisë në veprim, solidaritetit dhe humanizmit vjen si mesazh frymëzues dhe reflektimi për më pak fjalë dhe më shumë vepra për ndërtimin e një Shqipërie më të dhembshur dhe njerëzore, ku çdo qytetar në nevojë gjen ndihmë, përkrahje, zgjidhje të halleve, përfshirje sociale, shanse dhe mundësi të barabarta. Të krenohesh me Shën Terezën, së pari duhet të jetësosh veprën e saj!” -shkruan Ilir Meta
