Valeska Pereira Monteiro, një 27-vjeçare braziliane, e cilësuar si një nga krerët e një karteli droge në Brazil, kishte shkuar me pushime luksoze në Rio Grande do Sul, me paratë që i fitonte nga veprimtaria kriminale ku edhe ishte arrestuar nga policia.
Ajo ishte kryetarja e një bande që vepronte në Ceara. E reja merrej me ndarjen e parave dhe grumbullimin e tyre si dhe caktonte territoret e shpërndarjes.
27-vjeçarja akuzohet për vjedhje e trafik droge. Braziliania ishte arrestuar dhe në vitin 2014, ku akuzohej për po të njëjtat akuza.
Në cilësinë e provës material janë sekuestruar dy pistoleta si dhe municion luftarak, lajmëron policia.
