32 media në 16 vende të botës janë sulmuar nga Rusia. Taktika ëdhtë zbuluar këtë vit por dyshohet se sulmi ka nisur që në vitin 2018. Pjesë e medieve të sulmuara janë: “Washington Post” dhe “Fox News” në Shtetet e Bashkuara dhe “Daily Mail”, “Daily Express” dhe “The Times” në Britani, “Le Figaro” në Francë, “Der Spiegel” dhe “Die Welt” në Gjermani dhe “La Stampa” në Itali. Së fundmi sulmi është përqendruar në tërheqjen e Perëndimit nga Afganistani.
Ueb-faqet ishin në shënjestër të një operacioni pro-rus, që përdor seksionet për komente të ueb-faqeve për të shtrembëruar opinionin publik, tregon një hulumtim i kryer në Britani.
Hulumtimi i Institutit të Kërkimeve të Krimit dhe Sigurisë në Universitetin Cardiff thotë se artikujt e mediave perëndimore kanë marrë shpesh komente në mbështetje të interesave ruse.
Këto komente janë shpërndarë në mediat në gjuhën ruse dhe janë përdorur si bazë për artikujt, që sugjeronin miratimin e publikut perëndimor për politikat e Kremlinit.
Shtetet e Bashkuara kanë fajësuar Rusinë për përdorimin e mediave sociale për të ndërhyrë në zgjedhjet presidenciale të SHBA-së në vitin 2016 dhe 2020.
Sipas SHBA-së, hakerët rusë janë fajtorë edhe për një seri sulmesh kibernetike, të kryera kohëve të fundit.
Por, Rusia vazhdimisht e ka mohuar përfshirjen në operacionet e keqinformimit dhe në sulme kibernetike.
