Ndeshja e së dielës me Zvicrën, e cila mbaroi me barazimin e pastër 0-0 bëri që Italia të regjistronte 36 takime pa asnjë humbje, duke arritur kështu rekord botëror si e para Kombëtare që kap këtë shifër.
Ndërsa ka folur në lidhje me këtë përballje , trajneri Roberto Mancini dukej i pakënaqur nga rezultati, megjithatë e ka cilësuar këtë moment që topi nuk kërkon të hyjë në rrjetë.
Ndryshime në formacion parasheh trajneri, me Italinë që ka 36 ndeshje pa humbje duke vendosur rekord botëror. Kampionët e Evropës kalojnë kështu Brazilin dhe Spanjën.
“Nuk ka mundësi. Besoj se është një moment i mallkuar për ne, pasi nuk ka mundësi që të mos fitojmë një ndeshje si kjo me Zvicrën në të cilën ndërtuam të paktën gjashtë ose shtatë raste të pastra për gol, pa llogaritur penalltinë.
Është një moment ku topi nuk kërkon të hyjë në rrjetë, pasi kur mendoj vetëm për atë rastin e Berardit apo edhe për goditjen e Insignes ngjitur me shtyllën, plus tentativën e Jorginho nga 11- metrat, nuk di se si ta shpjegoj ndryshe pse nuk kthehemi në Itali me tri pikë.
Kjo ishte një nga ato ndeshje që nuk duhej gabuar kurrsesi, por përsëri mendoj se ashtu si me Bullgarinë na mungoi ligësia përpara portës. Dominuam takimin në çdo detaj, skuadra bëri një ndeshje teknikisht madhështore, por goli as që dukej në horizont.
Sa i nervozuar jam? Nuk jam i nervozuar, por nuk kam as se si të jem i lumtur. Më djeg që të mos fitoj një ndeshje të cilën e luajtëm me një portë, por tani duhet të reagojmë fort të gjithë”,– u shpreh tekniku./Gijotina.com
