Kreu i PD, Lulzim Basha ka zhvilluar një takim në selinë blu me ambasadorin gjerman në Shqipëri, Peter Zingraf.
Burime për Gijotina.com, shprehen se takimi është zhvilluar paraditen e sotme, ndërsa mësohet se është diskutuar lidhur me vizitën e kancelares Angela Merkel në Shqipëri më 14 shtator.
Ende nuk ka asnjë reagim zyrtar nga selia blu lidhur me takimin, ndërsa gjithashtu nuk bëhet e ditur nëse ambasadori Zingraf ka zhvilluar ose jo takime në selinë rozë.
Kancelarja e Gjermanisë, Angela Merkel, më 14 shtator do të mbërrijë në Shqipëri për të takuar liderët e Ballkanit Perëndimor në kuadër të Procesit të Berlinit. Pas Tiranës, ajo do të niset drejt drejt Serbisë, duke përmbyllur kështu vizitat e fundit ai kancelare jashtë vendit.
