Një javë pasi ushtari i fundit amerikan u largua nga Kabuli, SHBA-të kanë paralajmëruar se ushtria amerikane mund të rikthehet sërish aty.
Senatori republikan, Lindsey Graham tha për BBC se tani që amerikanët u larguan, Afganistani do të rikthehet në një strehë të sigurt për grupet terroriste, të cilat aty mund të planifikojnë sulme të ngjashme si ai i 11 shtatorit 2001.
“Kjo mund të bëjë që ne të detyrohemi të rikthehemi në këtë vend. Siç u kthyem në Irak dhe Siri, mund të rikthehemi në një formë apo në një tjetër edhe në Afganistan”, tha ai.
SHBA-të u tërhoqën nga Afganistani pas një lufte 20 vjeçare aty duke theksuar se qëllimi u arrit përmes eliminimit të çdo rreziku që në të ardhmen të planifikohen sulme terroriste nga ky shtet ndaj superfuqisë botërore.
Këta të fundit u pushtuan nga talebanët, të cilët rimorën të gjitha institucionet duke shkaktuar koas e viktima, dhe duke bërë që shumë afganë të largohen drejt Perëndimit.
