Mbrëmjen e sotme Holanda do të luajë ndeshjen e tretë të kualifikueseve të Botërorit ‘Qatar 2022’, ku do të përballet me Turqinë.
‘Tulipanët’ barazuan me Norvegjinë, ndërsa mundën me ‘poker’ golash Malin e Zi duke grumbulluar 4 pikë deri më tani.
Ndërsa në një konferencë për mediat të dhënë para takimit me Turqinë, trajneri Louis van Gaal është përplasur me një nga gazetarët e pranishëm.
Duke hyrë më në analizë të lojës së Van Galit, një gazetar e akuzoi se ideja e futbollit të tij ishte difensiv.
Ndërsa tekniku 70-vjeçar iu përgjigj: “Shiko skuadrat e tjera. Shiko Italinë, ata u shpallën kampionë Europe duke barazuar dy ndeshjet e fundit.
Ti zotëri ndoshta ke një vizion fantastik për të tërhequr vëmendje dhe e bën mirë punën për gazetën, por më fal, nga futbolli kupton zero. Nuk është e lehtë të mësosh futboll mbrojtës, por edhe ashtu fitohet. Shumë skuadra kanë fituar duke luajtur 5-2-3 dhe 5-3- 2. Madje, nëse ka një person që duhet falënderuar ai është Tomas Tuhel, i cili i tregoi Europës dhe botës sesi fitohet Champions-i edhe me 5-3-2.”/Gijotina.com
