Damian Gjiknuri, numri dy i Partisë Socialistë ka folur për herë të parë para medieve pasi mori këtë pozicion. Pas takimit të sekretarëve të rinj me kryetarin e partisë Edi Rama, Gjiknuri tha se viti i ardhshëm do e gjejë PS me strukturim dhe status të ri.
“Qëllimi i afatit 100 ditor është për të përmbushur të gjitha kërkesat dhe për të dalë me një platformë që do të dojë edhe vite për t’u implementuar. Të gjitha partitë e kanë aftësinë kur të vijnë zgjedhjet dhe për të testuar organizimin. Fillimi i vitit do na gjejë me një statut të ri, me një organizim të ri, për t’ju përgjigjur sfidave të mandatit të tretë. Ka pasur probleme për të cilat duhet të reflektojmë”, tha Gjiknuri.
Ndërkohë që në këtë mbledhje ka munguar ish numri dy i PS Taulant Balla, i cili në mandatin e tretë u la në hije nga kryeministri Edi Rama. Përveç postit në parti, Balla u transferua nga Elbasani në Fier si drejtues politik i qarkut.
