Zjarri i madh që përfshiu fshatin Panaja në Vlorë ditën e djeshme, ku për pasojë janë djegur sipërfaqe të mëdha ullishtesh, është shuar.
Për shuarjen e flakëve të cilat ju afruan banesave, punuan gjatë gjithë natës zjarrfikësit të ndihmuar dhe nga banorë të zonës, ndërsa dëmet e shkaktuara si në kompleksin blegtoral ashtu edhe në masivin pyjor janë të konsiderueshme.
Sipas informacioneve, në Panaja sipërfaqja e djegur e tokave shkoi deri në 1 hektar, teksa nuk ka dëme në stanë apo banesa.
Kurse në Bestrovë mendohet të jenë djegur rreth 200 hektarë me ullinjë, pemëtari të zonës dhe shkurre.
Gjithashtu mësohet se në Bestrovë ka dëme materiale të pakta në një banesë dhe nuk ka dëme në stane.
