Rreth nëntë kilogramë kokainë me mbishkrimin “Dior” janë sekuestruar në pikën kufitare të Morinës, teksa dy të rinj po tentoni ta kalonin në Kosovë. Elsaed Tirana, 22 vjeç dhe Elsaed Tallalli, 21 vjeç janë dy të arrestuarit për sekuestrimin e kokainës.
Në njoftimin zyrtar, policia shkruan se të rinjtë ishin brenda një makine të llojit “Peugeot”, me targa shqiptare, kur rreth orës 21:45 të mbrëmjes së kaluar janë kontrolluar nga autoritetet kufitare të Kosovë në bashkëpunim me ato shqiptare.
Pas dyshimeve se dy djemtë fshihnin diçka, mjeti është dërguar për tu skanuar dhe imazhet e dala nga skaneri kanë zbuluar drogën e fshehur poshtë sediljes së pasme të makinës.
Pas peshimit, u zbulua se në makinë kishte tetë kilogramë e 874 gramë kokainë që kishte për destinacion Kosovën, ndërsa është bërë arrestimi i dy të rinjve.
Vetëm ditën e djeshme në vendin tonë u sekuestrua 7.7 kg kokainë, e ndarë në 8 pako që vinte nga Ekuadori në llogari të firmës “Alba Exotic Fruit”, në pronës të Eduart Dautit.
