Vendi do të hapet në 1 qershor, duke bërë që Shqipëria të hapet plotësisht, pa masa kufizuese anti-COVID. Ky lajm u tha nga kreu i PS në Tiranë, Ervin Bushati.
Nga studioja e “Quo Vadis” në “Vizion Plus”, Bushati parashikoi që 2021 do të jetë një vit pozitiv për Shqipërinë.
“Ky do të jetë një vit shumë i mbarë, do të kemi hapje të shoqërisë, edhe ekonomia do të rindezë motorët. Shqipërinë e pret një vit i mbarë në 2021. Shumë shpejt do të shikojmë një Shqipëri tjetër në verë. Besoj se më 1 qershor Shqipëria do të hapet totalisht.”- tha Bushati.
