Pas marrveshjes “Open Balkan” Presidenti i Serbisë, Aleksandar Vuçiç papritur ka akuzuar palën shqiptare se nuk do marrëveshje as bisedime, por ka shtuar se nuk mund të kuptojë deri në fund pse e bëjnë këtë.
Ai njoftoi se me 13 shtator në Beograd në vizitë zyrtare vjen kancelarja Merkel. “Kam pasur nderin si kryeministër ta pres , ndërsa tash kam nderin këtë ta bëjë si president, kohën më të gjatë ajo në vizitat në Ballkan e kalon në Serbi dhe i jam mirënjohës,” ka thënë ai.
“Kemi rritur shkëmbimin tregtar me Gjermaninë për 300 për qind nga 2010, për në është me rëndësi që me Merkel të bisedojmë për çështjet kruciale në regjion, ndërsa në fund të muajit në Serbi vjen edhe Ursula von der Lajen, kur do hapim një pjesë të rrugës drejt Nishit” tha presidenti serb.
Vuçiç njoftoi se pas vizitës së Merkel do të udhëtojw në Turqi, ku do takojë dhe bisedojë me Ergodan. Pas kësaj do të takohet me grupin e Vishegradit dhe Dodikun, e më pas do takoj Shmitin, sikurse që do ketë bisedime edhe me Edi Ramën edhe Zoran Zaevin.
“Kemi përjetuar shumë presione, jemi përpjekur të heshtim, kam dëgjuar gjëra pakuptim për aksione edhe pozitën tonë në regjion”, tha Vuçiç.
Sa i përket bisedimeve me Prishtinën është arritur përparim kur bëhet fjalë për të pagjeturit, përparim tjetër nuk ka pasur tha Vuçiç, duke shtuar se “Pala shqiptare nuk do asnjë lloj marrëveshje, ata nuk duan as bisedime. Pse e bëjnë këtë nuk po arrij të kuptojë deri në fund”.
