Trajneri i skuadrës së Teutës, Edi Martini ka komentuar vigjiljen e përballjes me Partizanit. Referuar blerjeve të shumta në radhët e të kuqve, Martini tha se më shume njeh trajnerin e kryeqytetasve sesa kundërshtarin. Në lidhje me aplikimin e sistemit VAR, Martini theksoi se shpreson që gjykimi të jetë i drejtë.
“Kur luan kundër Partizanit është e qartë që është një ndeshje e fortë, ku duhet të hysh për të fituar. Normalisht dhe Partizani ka bërë lëvizje shumë, por dua të them që më shumë njihemi ne trajnerët me njëri-tjetrin sa me ekipin, kështu mendoj që do të jetë ndeshje e fortë.
Vitin e kaluar kemi pasur ankesat tona te gjykimi, siç kanë pasur dhe të tjerët. Jemi penalizuar disa herë, mendoj se po të kishte qenë VAR-i nuk do të kishim rezultatet që kemi pasur që nga java e parë e deri në fund, kështu që mendoj se është dorë e fortë, dorë e mirë që ne të kemi drejtësi në futboll’’, u shpreh Martini.
