Cristiano Ronaldo u rikthye tek Manchester United pas 12 vitesh teksa entuziazmi në radhët e “djajve të kuq” është tepër i madh. Së fundmi ylli luzitan ka pozuar në fushën e “Old Trafford” dhe ka paralajmëruar rivalët se nuk është për pushime në Manchester.
“Unë nuk jam këtu për pushime. Më parë ishte mirë, duke fituar tituj të rëndësishëm ku kam mbajtur veshur fanellën për vite me radhë, por unë jam këtu për të fituar përsëri.
Unë jam i aftë ta bëj këtë së bashku me shokët e skuadrës. Është një shans i mirë për mua, për tifozët, për klubin, për të bërë një hap përpara. Unë jam gati dhe mendoj se do të jem një gjë e madhe në tre ose katër vitet e ardhshme”, ishte reagimi i Cristiano Ronaldos.
