Kreu i opozitës, Lulzim Basha, ditën e djeshme njoftoi se Sali Berisha nuk do të jetë anëtar i grupit parlamentar të Partisë Demokratike.
Por largimi i tij ka pasur shumë mendime kontraversiale, ku disa deputetë mbështetën Bashën dhe disa të tjerë Berishën, duke krijuar kështu një përçarje brenda partisë. Edhe pse, një rast tragjik ky për PD, për njerëzit kreativë dhe që i dashurojnë memet, ky ka qenë një rast i artë. Në fokus të këtyre fotove të krijuara është kryedemokrati Lulzim Basha, i cili kërkon falje për largimin e Berishës.
Në një tjetër postim, krah Bashës shkruhet se është droguar nga kryeministri Edi Rama në mënyrë që të merrte këtë vendim. Nuk mungon as vetë Rama në disa editime ku shihet i lumtur për përçarjen e PD-së që erdhi pas këtij njoftimi.
Vendimi sipas Bashës është personal ndërsa theksoi se është në fuqi deri në përfundimin e procesit gjyqësor që vetë Berisha ka hapur kundër sekretarit amerikan të shtetit, Anthony Blinken. Ish-kryeministri Sali Berisha kundërshtoi vendimin që e quajti ‘nul’ ndërsa e akuzoi Bashën se ka dorëzuar sovranitetin e PD pasi ka rënë pre e kërcënimeve.
