Pas konstituimit të Kuvendit në legjislaturën e 10-të të tij, nuk ka munguar as reagimi nga ana e Ambasadorit të BE-së në Shqipëri, Luigi Soreca. Ky i fundit shprehet se roli i parlamentit është kyç për pranimin në Bashkimin Europian.
Ai thekson se BE pret që të gjithë anëtarët e parlamentit të çojnë përpara integrimin, duke e cilësuar atë një përparësi gjithëpërfshirëse për të gjithë.
“Urime deputetëve të Kuvendit të ri shqiptar dhe kryetares së re Lindita Nikolla. Roli i parlamentit është kyç për pranimin në BE.
Presim që të gjithë anëtarët e parlamentit të bashkëpunojnë dhe të çojnë përpara integrimin, një përparësi gjithpërfshirëse për të gjithë”, shkruan Soreca.
