Pas “sulmeve” nga opinioni publik dhe reagimeve nga disa politikanë me frazën “Drejtësia e vrau Sabrinën”, për vrasjen e 23- vjeçares mbrëmjen e djeshme në Fier nga ish-burri i saj, sot vjen gjithashtu një përgjigje e mënjehershme e Inspektoriatit të Lartë të Drejtësisë.
Metani shprehet se ka nisur menjëherë vlerësimi i rastit mbi veprimet e prokurorëve dhe gjyqtarëve, që kanë kaluar dosjen në duar. “Prej momentit të parë, jam duke ndjekur me vëmendje raportimet mbi ngjarjen e rëndë të vrasjes së një 23 vjeçareje nga ish-bashkëshorti në Zhupan të Fierit. Ka nisur menjëherë vlerësimi i rastit dhe i të dhënave që dalin në media mbi veprimet e magjistratëve” shkruan ai.
Ngjarja
Vëllai i viktimës Sabrina Bega, ka treguar prapaskenat e vrasjes së motrës së tij mbrëmjen e djeshme në Zhupan. Në dëshminë e siguruar nga Gijotina.com theksohet se autori, përkatësisht Elton Metaj kishte dalë nga dyert e burgut që në 22 korrik dhe se prej që kësaj date ka terrorizuar me kërcënime familjarët e bashkëshortës së tij, pasi kjo e fundit nuk ka pranuar të pajtohet me të. Ndër të tjera vëllai i Sabrina Begajt i tronditur ka treguar se ngjarja e mbrëmjes së sotme, ka ndodhur në mënyrë të papritur pasi Begaj sapo ishte kthyer nga puna dhe nuk kanë kaluar pak çaste kur kjo e fundit është ekzekutuar nga ish-bashkëshorti i saj. Për këtë ngarje të rëndë po ashtu në dëshminë e siguruar nga Gijotina.com vëllai i viktimës i drejton gishtin e fajtorit gjykatës dhe organeve ligjzbatuese të cilat nxorrën nga qelia një kriminel që sot mori statusin e një vrasësi gjakëftohtë.
Në dëshminë e tij, vëllai i Sabrina Begajt ka treguar gjithashtu trondit se lajmin e ka marrë nga bashkëshortja e tij, ndërsa ka theksuar se edhe ai vetë është kërcënuar me vrasje disa herë nga kunati tij.
“Të dalë pak motra mos e bëj më atë gjë, sa erdhi nga puna hëngri bukë dhe ai erdhi e vrau. Ndërroi jetë në vend, plumbi e kishte kapur në mushkëri. E kishte vënë re që nuk isjte dora ime që kishte hapur derën, ai erdhi. Ka dalë që në 20 korrik nga burgu fajin e kanë gjykata që lirojnë nga burgu kriminleët edhe bëjnë hatanë e madhe këtu. Mua më tha nusja e cila është shtazanë më kishte kërkuar edhe mua për të më vrarë. Jam I tronditur, ishte dhe mamaja”, ka treguar ai. / Gijotina.com /
