Një 58-vjeçar shqiptar ka humbur jetën në Greqi si pasojë e një aksidenti automobilistik. Mësohet se ngjarja e rëndë ka ndodhur në Volos.
Shqiptari po lëvizte me një motoçikletë në momentin që është përplasur nga një makinë që drejtohej nga një 37-vjeçar grek. 58-vjeçari u dërgua në spital, por humbi jetën rrugës si pasojë e plagëve të marra.
Drejtuesi i mjetit është vënë në pranga. Hetimet paraprake kanë bërë me dije se shqiptari ka dalë në aksin kryesor duke i prerë rrugën mjetit, por edhe kjo e fundit ka qenë duke udhëtuar me një shpejtësi shumë të lartë, aq sa ka shkaktuar dhe vdekjen e 58-vjeçarit.
