Kryetari i Partisë Demokratike, Lulzim Basha ka lënë Selinë Blu dhe është nisur në këmbë për në Kuvend , aty ku në orën 17:00 ka nisur edhe seanca e radhës parlamentare.
Në dalje të Selisë, Basha është rrethuar nga mediat, por Lulzim Basha nuk ka preferuar të flasë për mediat. Ai u mjaftua duke thënë: Ju uroj ditë të mbarë.
Pak minuta më parë në Kuvend ka mbërritur Sali Berisha. Ajo ç’ka vihet re është se shfaqen sërish të ndarë Basha nga Berisha.
Ish lideri i partisë demokratike, Sali Berisha kishte në krahë Tritan Shehun, ndërsa Lulzim Basha ishte i shoqëruar nga Gazment Bardhi dhe Alfred Rushaj.
