Gjashtë persona janë arrestuar dhe dy të tjerë janë shpallur në kërkim në 24 orët e fundit në Tiranë, për vepra të ndryshme penale.
Një sherr mes adoleshentësh ka përfunduar në plagosje me mjet prerës thikë. Policia ka proceduar autorin dhe dy të mitur të tjerë 16 dhe17 vjeç të dyshuar si pjesëmarrës në këtë konflikt.
Gjithashtu, u ndalua një 29-vjeçar pasi vodhi një mjet duke mashtruar.
Një 34-vjeçar tjetër u ndalua për dhunë në familje pasi theu urdhërin e mbrojtjes dhe dhunoi bashkëshorten.
Dhe një tjetër rast dhune në familje ka ndodhur në Vorë teksa është arrestuar 32-vjeçari që dhunonte gruan.
