Ja një skenar për ju: Ai ju puthi me pasion pas takimit të dytë. Të dy së bashku kaloni një kohë të magjishme në shtrat dhe ai ju thotë se jeni e mrekullueshme, e bukur, e zgjuar, seksi dhe se do t’ju telefonojë së shpejti. Kalon një javë dhe ju ende jeni duke pritur telefonatën e tij. Çfarë ka ndodhur?
Fillojmë dhe pyesim veten: Mos iku prej meje? Mos bëra diçka që atij nuk i pëlqeu? Apo mos ndoshta nuk isha mjaftueshëm për të?
Edhe pse rasti që morëm më sipër i aplikohet vajzave, kjo nuk do të thotë që nuk mund të ndodh edhe me meshkujt. Gjithsesi, nuk ka asgjë për t’u shqetësuar, ndonjëherë problemi nuk qëndron tek ju, por tek personi tjetër.
1. Disa prej tyre largohen sepse janë të papjekur.
Nëse zhduken pas seksit duhet ta merrni si mesazh pozitiv dhe lajm të mirë. Keni shpëtuar nga dikush me të cilin s’do të donit të dilnit për shumë gjatë. Ata s’janë mjaftueshëm të pjekur dhe zgjedhin mënyrën më të shëmtuar dhe fëmijërorë për t’u larguar. Thjesht duhet t’i kujtoni vetes që s’jeni ju problemi apo vlerat e tua si partnere.
2. Zhduken sepse ndihen të pasigurtë
Edhe pse nuk ka asnjë justifikim për zhdukjen pa arsye, njeriu me të cilin keni fjetur ndoshta s’ishte i sigurt për çfarë vinte më pas. Është e thjeshtë të mendosh që njeriu me të cilin po del e ka të qartë se çfarë po bën ndërsa del, por s’është gjithmonë ky rasti. Njerëzit kanë pasigurira dhe kur ndjejnë këtë, largohen. Gjithsesi, kjo s’i justifikon pasi zgjedhja e duhur është komunikimi. Në rast se nuk e bëjnë, ju kanë kursyer kohë.
3. Zhduken sepse jeni në linja komplet të ndryshme
Ai s’ka qëllim krijimin e një lidhjeje. Nëse e keni diskutuar paraprakisht këtë, është shumë ok. Nëse jo dhe ata zhduken krejt nga hiçi mund të të ketë dhënë mesazhin tjetër. Gjuha juaj e komunikimit s’ngjante në asnjë pikë dhe për më tepër s’kërkonin asgjë veç seksit.
4. Duke u zhdukur, ndihen të justifikuar
Ndonjëherë, duke u larguar në atë mënyrë, njerëzit ndihen më të “qetë” për sjelljen e tyre dhe e justifikojnë kështu. Ata mund të keni prioritete të tjera, marrëdhënie apo plane të tjera dhe i bën të mendojnë se kanë të drejtë që thjesht të zhduken. Asgjë s’i justifikon as në këtë rast, pasi nuk janë të ndërgjegjshëm për dëmin që mund t’i kenë bërë personit tjetër. Sidoqoftë, kujtojini vetes që nuk meritojnë asnjë çast më shumë nga koha juaj.
