Kryeminstri i Maqedonisë së Veriut, Zoran Zaev, ka komentuar takimin me kancelaren gjermane Merkel në Tiranë.
Zaev thotë se Maqedonia e Veriut i ka bërë të gjitha detyrat e shtëpisë dhe duhet sa më parë zgjidhja e pengesave politike për integrimin në BE.
“Na duhet sa më parë zgjidhja e pengesave politike dhe integrimi i Maqedonisë së Veriut në BE. I kemi kryer me sukses detyrat e shtëpisë, por kjo nuk do të thotë që të ndalemi këtu, në të kundërtën punojmë çdo ditë dhe luftojmë për një të nesërme më të mirë për qytetarët tanë.”-tha Zaev.
Ai zbulon se me Merkelin u dakordësuan që integrimi i Maqedonisë së Veriut dhe rajonit të Ballkanit Perëndimor të mos vonohet më.
“Me Kancelaren Merkel u dakorduam që integrimi në BE si i Maqedonisë së Veriut dhe i rajonit të mos vazhdojë të vonohet dhe se është shënuar progres i qëndrueshëm nga të gjitha institucionet relevante evropiane dhe partnerët ndërkombëtarë të shtetit.”- shprehet Zoran Zaev.
Ditën e sotme Merkel zhvilloi takimin e fundit me kryeministrat e Ballkanit Perëndimor, para dorëzimit të detyrës si kancelare e Gjermanisë
