Avokati i autorit kryesor të dyshuar për vrasjen e dyfishtë të vëllezrve Bilali në Shkodër tre vjet më parë, Arsen Stojkut ka pronocuar për mediat lidhur me gjykimin e klientit të tij. Artan Gjuzi pretendon se Stojku po qëndron padrejtësisht në paraburgim duke argumentuar se për shkak të mosparaqitjes së dëshmitarëve gjyqet janë shtyrë sistematikisht.
Për këtë çështje Gjuzi ka drejtuar gishtin nga Inspektoriati i Lartë i Drejtësisë, ku edhe ka depozituar disa herë kërkesën për zgjidhur këtë “padrejtësi” siç zgjedh ta quajë ai, pasi procesi gjyqësor ka ngelur “vend numëro”.
“Dëshmitarët nuk paraqiten në seancën e radhës dhe nuk e di se si do vazhdojë kjo punë kështu pa asnjë akuzë, asnjë provë ndaj të pandehurit i cili këtu e 30 muaj mbahet kot në qelitë e paraburgimit. Ne i kemi kërkuar inspektoriatit të lartë të drejtësisë ndihmë duke bërë ankesa të njëpasnjëshme në Ministrinë e Drejtësisë për të na siguruar një nga punonjësit e tyre për të ardhur dhe për të ndjekur proceset gjyqësore të cilat për ne janë të manipuluara sepse asnjë provë nuk është kundër Arsen Stojkut, qoftë edhe një provë e vetme, laboratorike, shkencore , dëshmitarë, sms apo ndonjë gjë tjetër por nuk ka asnjë prove”, ka treguar ai.
Ndër të tjera avokati i Stojkut është shprehur se ndaj Arsen Stojkut nuk ka asnjë provë dhe se dëshmitarët që kanë folur njëherë në hetimet paraprake, nuk kanë dhënë asnjë dëshmi kundër tij. Po ashtu avokati mbrojtës tha se për shkak të shtyerjes së gjyqeve, do t’i drejtohet SPAK me një kërkesë për të proceduar të gjithë ata që po pengojnë këtë proces.
“Është e disata herë që dëshmitarët e thirrur nga organi i akuzës, dëshmitarë këto të cilët akuza ka formuar edhe dosjen e saj që është fare nul dhe pa prova. Këto tashmë janë fakte të përsëritura dhe ne çuditemi se përse ky njeri vazhdon të mbahet në paraburgim kur dëshmitarët nuk vijnë. Ata nuk janë dëshmitarë, ata janë persona të cilët forcërisht janë thirrur nga prokuroria në hetimet paraprake dhe nuk kanë asnjë lidhje me Arsen Stojkun dhe për asnjë moment nuk kanë shprehur asgjë apo nuk kanë dhënë asnjë provë kundër tij. Ne do presim edhe pak dhe më pas do i drejtohemi SPAK për këto shkelje të njëpasnjëshme që bëhen kundër Arsen Stojkut”, është shprehur ai. / A.L Gijotina. com /
