Këtë të premte në orën 19:45 Dinamo do të presë në stadiumin ‘Elbasan Arena’ Laçin, në ndeshjen e vlefshme për javën e dytë të Kategorisë Superiore.
Në një postim në rrjetet sociale ‘Nëndetësja blu’ ka bërë publik edhe çmimet e biletave për këtë takim, të cilat duket se janë mjaft të arsyeshme.
“Java e dytë e “Abissnet Superiore”FK Dinamo – KF Laçi do të luhet ditën e Premte (17.09.2021) në orën 19:45 në “Elbasan Arena”Çmimet e biletave si më poshtë:- Tribuna VIP – 1000 Lekë- Tribuna Kryesore – 500 Lekë- Tribunat e tjera – 300 Lekë”-shkruhet në postimin e kryeqytetasve.
Me tej ata shtojnë se këto bileta mund të blihen vetëm në Tiranë dhe në Elbasan.
“Biletat nga sot në shitje pranë biletarisë stadiumit “Selman Stërmasi”. Ditën e Premte në shitje dhe në “Elbasan Arena”-shton në tej klubi i Dinamos.
Theksojmë se kjo është ndeshja e parë për ‘Blutë’ si mikpritës, ndërsa duhet rikujtuar se klubi i kryeqytetit ende nuk ka një stadium të tijin ndaj ndeshjet në shtëpi do luhen në ‘Elbasan Arena’./K.T/ Gijotina.com
