“Pfizer” i ka dhënë përgjigje dilemave nëse duhet të injektohet doza e tretë e vaksinës apo jo. Bazuar në të dhënat nga SHBA dhe Izraeli tregojnë se efikasiteti i vaksinës kundër Covid-19 po bie me kalimin e kohës, por duke shtuar se doza përforcues është e sigurt dhe efektive për të trajtuar virusin dhe variante të reja.
Paneli i ekspertëve pritet të bëjë rekomandime nëse më shumë amerikanë duhet të marrin dozën e tretë. Kompania do të paraqesë detajet të Premten në një takim me konsulentë të jashtëm të Administratës Amerikane të Ushqimit dhe Barnave (FDA).
Rënia e niveleve të efikasitetit “është kryesisht për shkak të një zvogëlimi të përgjigjes imune ndaj vaksinës me kalimin e kohës dhe jo aq shumë për mutacionin Delta, thonë shkencëtarët e “Pfizer”.
Një kompani shëndetësore izraelite tregon se doza e tretë është shumë efektive në zonat ku mutacioni Delta është mbizotërues, sipas dokumentit të “Pfizer”. Doza e tretë te njerëzit mbi moshën 60 vjeç u shoqërua me një efikasitet prej 86% kundër një diagnoze pozitive të Covid. Për sa i përket përgjigjes imune, një muaj pas dozës së tretë, nivelet e antitrupave mbrojtës ishin më shumë se tre herë më të larta se një muaj pas dozës së dytë.
Gjithashtu asnjë efekt anësor i ri dhe i papritur nuk u raportua në të dhënat e sigurisë në lidhje me dozat përforcuese në këtë studim klinik, sipas raportit të “Pfizer”.
