Sulmuesi i skuadrës së Tiranës, Taulant Seferi ka theksuar se këtë edicion ka ambicie të mëdha dhe se ky ekip ka shumë mundësi për tu prezantuar mirë.
“Skuadra është shumë e mirë. Jemi një grup i ri lojtarësh, por në ekip shoh gjëra të mëdha. Të gjithë janë djem me vullnet, dëshirë për të fituar dhe perspektivë për të ardhmen. Diçka që nuk gjendet kollaj.
Është vetëm java e parë. Nuk preferoj që të them fjalë, por ndeshjet duhet t’i marrim një më një. Me shpresë te zoti unë kam besim te skuadra. Ama jo duke fluturuar, nëse jemi me këmbë në tokë rezultatet do të vijnë”.
