Ish-pronari i klubit të Inter Massimo Moratti, i cili ka në pronësi një kompani nafte ka vendosur që të dhurojë pagën e tij vjetore prej 1.5 milionë eurosh për stafin e tij.
Pandemia e Covid-19 preku edhe kompaninë e tij dhe si rrjedhojë punonjësit morën pagë të reduktuar. Për këtë arsye Moratti ka vendosur që në muajin tetor, nëntor dhe dhjetor ata të paguhen ekstra, shifër e cila do të jepet nga rroga e tij personale.
Në një letër që u ka dërguar punonjësve të zyrës në Sarroch ai shkruan: “Unë ju falënderoj për sakrificat që po bëni, të cilat janë një ndihmë e madhe në kapërcimin e një periudhë të vështirë. Pagën time vjetore po e kaloj për ju, duke shpresuar se ky veprim do t’ju lehtësojë, të paktën pjesërisht, barrën e pushimeve nga puna.”
Kjo shifër do u jepet të gjithë pjesëtarëve të stafit me përjashtim të drejtuesve./K.T/Gijotina.com
