Policia e Kosovës ka dhënë detaje mbi rastin e vdekjes së 23-vjeçares nga Drenasi, dy ditë pasi kishte marrë dozën e parë të vaksinës Pfizer.
Familjarët akuzuan qeverinë duke thënë se në punë e detyruan të bëjë vaksinën dhe njëherë është ndjerë keq, pasi u dërgua në spital atje ka humbur jetën.
Ndërkohë, ditën e sotme ka reaguar edhe polica e Kosovë, ku përmes një njoftimit publik shkruan se ata kërkuan të bëjnë autopsinë vajzës për të gjetur shkaqet e vërteta të vdekjes por familja nuk ka pranuar.
“QKUK, Prishtinë, 15.09.2021-17:45. Viktima femër kosovare, të cilës sipas informatave të para i ishte keqësuar gjendja shëndetësore në vendin e punës, pasi ishte dërguar në QKUK kishte ndërruar jetë, dhe sipas mjekëve gjendja e saj shëndetësore ishte e rëndë. Sipas mjekëve të QKUK-së, rekomandimi i tyre ka qenë që trupi i pa jetë i viktimës të dërgohet në IML për obduksion, por familjarët ka refuzuar. Për shkak të dyshimeve, njësitet policore janë duke hetuar rastin. Është informuar edhe prokurori”, thuhet në raport.
Për vdekjen e 23-vjeçares janë deklaruar dje edhe nga Klinika Emergjente e QKUK . Sipas QKUK- së, ajo ishte dërguar në Emergjencë shkaku i humbjes së vetëdijes, me bebëza të zgjeruara, pa tension arterial, pa puls periferik dhe me frymëmarrje të vështirësuar.
/ gijotina. com/
