Janë zbardhur emrat e deputetëve të cilët seancën e djeshme refuzuan të votonin qeverinë dhe programin qeverisës “Rama3”, në seancën maratonë që u mbyll në orët e para të mëngjesit të sotëm.
Në faqen zyrtare të Kuvendit, janë publikuar të gjitha votat e deputetëve, ku bie në sy fakti që nëntë ligjvënës nuk kanë marrë pjesë në votim.
Kështu, deputetët që nuk kanë qenë të pranishëm në votim janë Sali Berisha, Monika Kryemadhi, Nustret Avdulla, Vangjel Dule, Shpëtim Idrizi, Seladin Jakuplltari, Fatmir Mediu, Flamur Noka, Petrit Vasili dhe Erisa Xhixho. Ndërkohë, rezulton se ka abstenuar deputeti i LSI, Agron Çela.
Qeveria e re u miratua me 79 vota pro, 53 kundër dhe një abstenim, ndërsa ditën e nesërme pritet që të bëhet betimi i qeverisë para presidentit Ilir Meta.
