Presidenti Ilir Meta ka takuar ditën e sotme vajzën e njërit prej komandantëve legjendarë të Brigadës së Parë Sulmuese, Dilaver Radeshit. Ky i fundit u plagos katër herë, përfshi edhe betejën e Çlirimit të Tiranës.
Ai shkuan se vuajtjet gjatë luftës, i hoqi kjo familje patriotike, nuk ishin asgjë përballë kalvarit pambarim gjatë regjimit komunist, për shkak të letrës së hapur të Kolonelit drejtuar udhëheqësve komunistë kundër heqjes së gradave në ushtri dhe degradimit të saj.
“I lumtur të takoja sot Teftën, vajzën heroinë të njërit prej Komandantëve legjendarë të Brigadës së Parë Sulmuese, Dilaver Radeshit, i cili u plagos katër herë, përfshi edhe betejën e Çlirimit të Tiranës.
Por vuajtjet gjatë luftës, që hoqi kjo familje patriotike, nuk ishin asgjë përballë kalvarit pambarim gjatë regjimit komunist, për shkak të letrës së hapur të Kolonel Dilaver Radeshit drejtuar udhëheqësve komunistë kundër heqjes së gradave në ushtri dhe degradimit të saj” – shkruan Meta.
Sakaq, kreu i shtetit ka theksuar se e bija, Tefta në moshën më të bukur u detyrua për të kryer një akt vetëvrasjeje për të shpëtuar nga presionet e hetuesve, por dashuria ka triumfuar mbi vuajtjet.
