Florend Kalivopulli ka paralajmëruar ditën e sotme se do të japë dorëheqjen për shkak të asaj që ka ndodhur në Shkodër. Presidenti i Federatës së Boksi bëri me dije se në ditët në vijim do të thërrasë KE te Federates Shqiptare te Boksit për t’i dorëzuar dorëheqjen.
Në një status në Facebook, ai thotë se me të drejtë komuniteti i boksit është i shqetësuar, prandaj dhe ai ka vendosur të dorëhiqet. Gjithesi ai jep mesazhin e fortë që boksi nuk duhet te ndalet. “Te dashtur miq!Duke reflektuar ndaj komunitetit te boksit, i cili me te drejte eshte i shqetesuar kam vendosur qe ne ditet ne vazhdim te therras KE te Federates Shqiptare te Boksit dhe tju kerkoj atyre doreheqien time. Shkak per kete gje ishin incidentet e djeshme ndodhur ne qytetin e Shkodres gjate zhvillimit te Kampionatit Kombetare.Jam munduar qe me pasion dhe dashuri pa fund te beja me te miren. Boksi nuk duhet te ndalet. Rrugetimi i tij e premton”, shkruan ai.
Kujtojmë se ditën e djeshme ndeshja mes Alban Beqirit të Tiranës dhe Arjon Kajoshit të Vllaznisë në boks ditën e djeshme ka përfunduar me sherr dhe grushte edhe jashtë ringut. Tifozët e boksierët e ekipeve respektive kanë nisur konflikt fizik mes tyre në parketin e pallatit të sportit “Qazim Dervishi”.
