Ndeshja e mbrëmjes së dielë midis PSG-së dhe Lyon-it duket se ka sjellë një pakënaqësi të madhe për Lionel Messin.
Trajneri Mauricio Pochettino e zëvendësoi argjentinasin në minutën e 75-ë, ndërsa ai nuk kishte mundur të shënonte.
Teksa ka mbrojtur veten pas këtij momenti që u duk se e acaroi shumë Messin, tekniku ka thënë se “menaxherët janë atje për të marrë vendime”.
Ndërsa u pyet se pse zgjodhi ta zëvendësonte Messin, Pochettino tha: “Të gjithë e dinë që ne kemi lojtarë të mëdhenj në ekip. Ne kemi një skuadër shumë të pasur prej 35 lojtarësh. Pastaj ne duhet të bëjmë zgjedhje. Me 11 që duhet të fillojnë. Dhe pastaj ne duhet të marrim vendime gjatë lojës. Ndonjëherë këto zgjedhje paguhen dhe ndonjëherë jo. Por kjo është arsyeja pse ne jemi duke qëndruar para stolit duke menduar se çfarë të bëjmë. Dhe ato vendime që duhet të merrni, duhet të pajtoheni pavarësisht nëse gjërat shkojnë mirë apo jo.”
Ndërsa rikujtojmë se në momentin që ‘pleshti’ po shkonte drejt stolit u duk se i tha diçka teknikut.
Në minutën kur Messi doli nga loja ndeshja ishte barazim me 1-1, por Mauro Icardi arriti të shënonte golin e dytë dhe t’i jepte tre pikët PSG-së./K.T/Gijotina.com
