26-vjeçari Eraldo Vora, banues në Sallmone, Shijak është arrestuar nga policia e Durrësit mëngjesin e sotëm. Lajmin e ka bërë të ditur përmes një njoftimi publik Policia e Durrësit, e cila tregon se ky person akuzohet për armëmbajtje pa leje dhe i shpërndarje të drogave të forta. Mësohet se , gjatë kontrollit të ushtruar në automjetin tip “Audi”, me të cilën ky person po qarkullonte, iu gjet dhe sekuestrua një armë zjarri pistoletë, 1 krehër dhe 10 fishekë.
Gjithashtu, në banesën e Eraldo Vora, shërbimet e Policisë kanë gjetur dhe sekuestruar në cilësinë e provës materiale rreth 14 gr. kokainë, 1 peshore elektronike, një shkop metalik dhe sende të tjera të kundërligjshëm.
Policia bën me dije se, në banesën e këtij personi u konstatua lidhje e paligjshme e energjisë elektrike.
E.H/ gijotina.com/
