Një vrasje e ndodhur 12 vite më parë është kthyer sërish në skenë pasi policia gjermane ka bërë të mundur arrestimin e autorit për ekzekutimin e Roland Rexhepit i njohur si “Doda” në Elbasan. Bëhet fjalë për personin e identifikuar me emrin Florind Shabani, ndërsa theksojmë se ky është autori i katërt i arrestuar për përfshirje në këtë ngjarje. Ndërsa ekzekutimi mafioz ka ndodhur në 22 korrik të vitit 2009 në lagjen “Vullnetari” në qytetin e Elbasanit dhe sipas prokurorisë, autorët identifkohen si Marjus Tafa, Armando Llakaj dhe Florenc Shabani.
Pritet që i arrestuari të ekstradohet në Shqipëri ku edhe do të vuajë dënimin.
Ish-efektivi i antidrogës i njohur ndryshe edhe si “Doda” u ekzekutua me dy armë tip kallashnikov pranë banesë së tij teksa po shkonte te parkingu ku kishte makinën.
Sakaq kujtojmë se pa kaluar dy vjet nga vrasja e tij në 30 dhjetor të 2011 vritet në të njëjtën lagje dhe vëllai tjetër i tij Ilir Rexhepi, të dy kushërinj të Fadil Memës. Iliri është qëlluar teksa ecte në rrugë, ndërkohë që drejtonte një kompani policie private në Elbasan. Vrasja e Ilir Rexhepit është kryer vetëm pak ditë pasi prokuroria e Elbasanit kishte kërkuar në pretencën e saj 48 vite burg për Armand Llakaj dhe Marjus Tafan, si autorë të vrasjes së Rolandit. Llakaj dhe Tafa njihen si miq të fisit Çapja dhe ishin arrestuar për vrasjen e Roland Rexhepit.
Muça u ndihmua nga një polic
Për vrasjen e Ilirit, Prokuroria Elbasan nxori një urdhër ndërkombëtar për Bledar Muçën. Mirëpo Muça është larguar nga dogana e Kapshticës ku dyshohet se është ndihmuar nga polici Ardian Çekiçi. / A. L Gijotina.com /
