Dalin detaje të reja nga konflikti mes zyrtarëve të bashkisë Vlorë dhe atyre të ujësjellësit.
Mësohet se ish-kreu i Ujësjellësit, Shkëlqim Leskaj ka firmosur 3 tendera: 400 mijë euro sahatet e ujit, klorifikimi dhe uniformat.
Ndërkohë në institucion mungonin vula dhe librat e protokollit. As punonjësja e protokollit nuk ka qenë në institucion.
Përfundojnë në Policinë e Vlorës ish Drejtori i Ujësjellësit të Vlorës Shkëlqim Leskaj, i cili ka dorëzuar dorëheqjen në datën 6 gusht, dhe zyrtarë të tjerë të Bashkisë.
Në komisariatin e Vlorës ka shkuar edhe kryebashkiaku, për të sqaruar situatën. Leli ka ngritur akuzë për Shkëlqim Leskaj për vjedhje të librave të protokollit, vulës së institucionit.
