Shqiptarët po bëjnë namin me shtëpitë e kanabisit në Britaninë e Madhe, ku jo pak herë kanë qenë dhe drejtues të grupeve kriminale të trafikut të drogës. Së fundmi, katër shqiptarë kanë përfunduar në prangat e policisë britanike pasi kultivonin kanabis në dy ferma në Mutley dhe Keyham.
Ishin oficerët e policisë ata që zbuluan të rinjtë në datë 25 gusht, teksa ishin nisur drejt Plymouth. Dy burra, të dy me origjinë shqiptare, u arrestuan nën dyshimin e shpërndarjes së kanabisit: 36-vjeçari Fatjon Kurmekaj dhe vëllai i tij 34-vjeçari Fatmir Kurmekaj.
Oficerët më pas kryen dy bastisje në prona, Kingsley Road në Mutley dhe Warleigh Avenue në Keyham, duke çuar në arrestimin e dy shqiptarëve të tjerë, 20-vjeçari Adrian Kurmekaj, kushëriri i dy burrave të arrestuar dhe 29-vjeçari Teslim Mahmutaj.
Policia tha se gjeti një sasi të madhe të bimëve kanabis në të dy pronat. Të katërt u dërguan në paraburgim dhe më pas do të paraqiten në Gjykatën e Plymouth Crown më 27 shtator për t’u njohur me masat përkatëse.
