Ish-mbrojtësi i skuadrës së Partizanit, aktualisht pjesë e Astana në Kazakistan, Eneo Bitri ka analizuar performancën e kryeqytetasve teksa thekson se të kuqtë e kanë potencialin për të luftuar për objektivat maksimale.
“Në fakt, është grup i ri dhe duhet të njihen lojtarët me njëri-tjetrin. Në ndeshjen e fundit me Skënderbeun, Partizani meritonte më shumë, por në futboll këto janë gjëra normale.
Mendoj se është më shumë çështje përqendrimi, që të bësh sa më pak gabime në lojë, por futbolli është lojë gabimesh dhe fiton ai që gabon më pak. Të gjithë kemi gabuar dhe do gabojmë, sepse kështu mësojmë.
Unë them që Partizani është për titull, pasi i ka kualitetet për të dalë kampion, por kampionati shqiptar është i vështirë dhe rruga është e gjatë”, theksoi Bitri.
