3 pika karburanti në vend janë gjobitur nga ISHTI për shkak se ushtronin aktivitetin në shkelje rregullash. Sipas të dhënave të publikuara, një nga bizneset është gjobitur me 3 milionë lekë për shkak se nuk respektonte kushtet teknike dhe rregullat e sigurisë në punë për punonjësit. Ndërsa, një tjetër subjekt është gjobitur me 1 milionë lekë për shkak se tregtonte karburant në mungesë të dokumentacionit të nevojshëm.
“Subjekti është gjobitur për mungesë dokumentacioni tekniko ligjor, në përputhje me dokumentacionin e inspektimit. Për mosrespektim te normave dhe kushteve teknike, në përputhje me dokumentacionin e inspektimit. Janë vendosur gjoba dhe për vendosje në punë pajisje nën presion pa projekt teknik dhe vërtetim përputhshmërie, në përputhje me dokumentacionin e inspektimit”, thuhet në raport.
Inspektorati Shtetëror Teknik dhe Industrial njofton se, do të shtohen edhe më shumë kontrollet ndaj pikave të karburantit, pasi janë spikatur edhe raste kur disa prej tyre ushtrojnë aktivitetin të pa licencuar.
E.H/ gijotina.com/
