Mbi 3200 banorëve të fshatrave Vidohovë dhe Miras në bashkinë e Devollit iu rrezikohet çdo ditë jeta për shkak se, janë të detyruar të kalojnë në një urë të rrezikshme me mjete bujqësore, autovetura, me kafshë dhe në këmbë.
Ura është krejtësisht e amortizuar dhe lëkundet kur kalojnë automjetet, Sipas banorëve, në këtë urë nuk kanë munguar as aksidentet, që deri më tani vetëm falë fatit nuk kanë shënuar ngjarje tragjike.
Por rreziku më i madh është për këmbësorët dhe fëmijët që kalojnë madje edhe luajnë gjatë mbrëmjeve aty.
Rikonstruksioni i urës ka vlerë të konsiderueshme për bashkinë Devollit, e cila sytë i ka hedhur te qeveria. E deri sa të piqen kushtet për ta bërë këtë urë më të sigurt, banorët e Vidohoves dhe Mirasit duhet të përballen çdo ditë me këtë urë, e cila në stinën e dimrit bëhet edhe më e rrezikshme.
E.H/ gijotina.com/
