Joan Laporta përsëriti edhe një herë mbështetjen e tij ndaj trajnerit të Barcelonës, Ronald Koeman ku theksoi se bordi i klubit nuk do të hezitojë të marrë vendime të caktuara nëse ata janë të detyruar ta bëjnë.
Presidenti i Barcelonës qëndroi në krah të Koeman, pavarësisht rezultateve të fundit të dobëta të klubit në La Liga dhe humbjen e tyre në Champions League.
Laporta ka folur tashmë pas mbajtjes së mbledhjes fundit të Barcelonës, teksa ka konfirmuar mbështetjen për trajnerin holandez.
“Ne jemi përgjegjës për menaxhimin e klubit”, ka thënë fillimisht presidenti i Barcelonës.
“Ne kemi më shumë informacion kur bëhet fjalë për marrjen e vendimeve dhe ne duhet të marrim parasysh gjithçka shumë më tepër”.
“Nuk është problem për ne të marrim vendime të çfarëdo lloji, dhe nëse duhet t’i marrim ato në një kohë të caktuar, ne do t’i marrim, qoftë nëse janë ekonomike, sportive ose sociale”.
“Ne jemi gjithmonë në krah të trajnerit Koeman dhe ajo që ne duam është që gjërat të shkojnë mirë për atë”.
“Trajnerët, të gjithë jo vetëm Koeman, varen shumë nga rezultatet e tyre dhe në rastin e Barcelonës, ata gjykohen çdo lojë. Por, Koeman është trajneri ynë dhe ne jemi në krahun e tij tani”, përfundoi Laporta.
