Pas operacionit në Kadastrën e Vlorës, këtë të premte është dorëhequr edhe drejtori i kadastrës Sarandë Andri Dhima. Zyrtari dorëzon “uniformën e punës”, pas 5 muajsh në detyrë.
Në vend të tij është emëruar Aida Demi. Prej tre vitesh ajo ka qenë drejtoreshë në Zyrën Juridike të Sarandës.
Demi është drejtuesja e tretë që emërohet në krye të këtij institucioni brenda këtij viti.
Kujtojmë se operacioni i SPAK në Kadastrës e Vlorës, po heton për dosje të vjetra, për të cilat ka pasur ankesa për vite me radhë nga qytetarët. Një prej tyre mësohet të jetë dosja e Karaburunit, por dhe zonave të tjera bregdetare.
SPAK deri më tani ka tërhequr për verifikim një pjesë të dosjeve dhe të dhënave.
Prokurorët ditën e sotme zbarkuar në zyrat e Kadastrës së Vlorës, një prej institucioneve më problematike ndër vitet e fundit për shkak të dorëheqjes së vazhdueshme të drejtuesve.
