Boksieri shqiptar, Florian Marku ka triumfuar ndaj kundërshtarit të tij ukrainas, Maxim Prodan, në ndeshjen që u zhvillua për plot 10 raunde.
Pasi asnjëri nga boksierët nuk u dorëzua deri në fund, vendimi u morët nga gjyqtarët, që i dhanë fitoren boksierit tonë, Florian Marku.
Njëri nga gjyqtarët e vlerësoi Prodanin si më të mirë me rezultat 99-91, ndërsa dy tjerët ishin pro Markut me 97-93 dhe 96-94.
Pas ndeshjes, Florian Marku ka thënë se ishte shumë i lumtur për fitoren.
“Me vetëm 10 raunde e arrita atë që s’e ka bërë askush. Jam i ri dhe të gjithë më kanë nënvlerësuar”.
“U ndesha me njërin prej më të mirëve, askush nuk dëshironte të ndeshej me të. Shikoni kë kam mposhtur”.
“Gruaja ime është shtatzënë, po presim fëmijë, jam i lumtur. Do tua bëjë jetën më të mirë, me para”, ka thënë Marku.
