Kuvendi ka shtyrë mbledhja e Komisionit të Jashtëm parashikuar për t’u zhvilluar ditën e sotme në orën 10:00, për nesër në orën 13:30.
Deputetët e Partisë Demokratike kishin deklaruar se do të ishin fizikisht në Komision pavarësisht se mbledhja ishte njoftuar online.
“Pas një konsultimi me Ministrinë për Evropën dhe Punët e Jashtme dhe në pëmundësi të prezencës fizike të disa prej diplomateve që janë propozuar për të marrë detyrën e ambasadorit, mbledhja e Komisionit për Politikën e Jashtme do të zhvillohet online ditën e martë në orën 14.00 (me qëllim që të përputhet edhe me orarin e ambasadorëve që ndodhen në SHBA). Mbledhja për konstituimin e Komisionit do të realizohet po të martën, në datën 28 shtator 2021, në orën 13.30”, thuhet në njoftim.
Partia Socialiste ka kërkuar që Komisionet Parlamentare të zhvillohen online për shkak të pandemisë, ndërsa PD është kundër duke deklaruar se deputetët e vaksinuar nuk përbëjnë rrezik për përhapjen e Covid.
