“97% e familjeve shqiptare nuk ju plotësojnë dot fëmijëve nevojat e një jete normale sikurse janë ushqimet dhe veshjet.”
Kështu është shprehur me anë të një statusi në Facebook, sekretari i grupit të Partisë Demokratike, Arbi Agalliu, ku gjithashtu thotë se qeveria nuk ka ndërmarrë asnjë akt për rritjen e çmimeve të cilat po zhysin në varfëri familjet shqiptare.
“Aq më keq akoma, kur bëhet fjalë për pajisje argëtimi dhe teknologjie, veprimtari sportive, festa të veçanta si ditëlindje, organizime aktivitetesh shkollore me pagesë, apo mbi të gjitha kur flasim për shëndetin e tyre. Këto të dhëna nuk ka nevojë ti dëgjojmë nga ekspertë të INSTAT sepse çdo shqiptar e ndjen tek familja dhe fëmija e vetë.
Kjo nuk do të thotë vetëm vuajtje për këta fëmije e këto familje por rritja e një brezi me probleme të rënda, çka do të ketë impakt negativ në shoqërinë shqiptare në vitet në vijim.
Asnjë fjalë dhe strategji domethënëse për reduktimin e varfërisë në broshurën marketing të Qeverisë qe e shet si program. Asnjë akt i ndërmarr deri më tani për rritjen e çmimeve të cilat po zhysin në mjerim dhe varfëri familjet shqiptare.”-thotë Arbi Agalliu.
Ai e përfundon postimin e tij duke thënë se fëmijët nuk janë kukulla që përdoren për qëllime elektorale por duhet të jenë përgjegjësi primare.
